3 Review(s)

about the book: jis prakar se hamare desh mein notabandi (Demonetisation) huyi vah tatkalik roop se to aakasmik pratit hoti hai lekin isake peechhe ke tathyon ke adhyayan ke baad yah avashyambhavi kadam lagata hai. kahani is tarah rachi gayi hai ki aap notabandi ke pichhe ke kaaranon ko khud samajh jaenge. is kahani se aap sarakar ke is charam kadam ko uthaane ke pichhe kee majaboori aur us daur mein hamari mudra pranali, jis kathinayi se gujar rahei thi usako bhi samajh payenge. mukhya patra rupali aur neel ke sath aapaki yah yatra aapake dhyaan ko bhatakane nahin degee balki aap unaki bhaavanaon se judakar use mahasoos bhi kar sakenge. about the author: Lekhak, Navaneet kumar ka janm bihar ke begoosaray jile mein hua tha. yaatra aur saahasik kaaryon ke prati inake rujhaan ne inhen marchent nevy ki taraph aakarshit kiya. 14 varsh ship par kaary karane ke dauraan inaka pathan-paathan aur lekhan se sambandh bana raha, apitu vishva bhraman ke karan inake drshtikon mein kaphi parivartan aaya. isee dauran inhonne philmon ki patkatha likhane ka karya aarambh kiya. kaye patakatha likhane ke baad inhonne pratham upanyaas likhane ka phaisala liya. lekhan aur tathyaanveshan inaka shauk hai. jab notabandi(Demonetisation) huyi to inhonne isake sateek aur aavashyak karanon ko samajha aur ab unhen aam janamanas tak pahunchane ka prayas kiya hai. notabandi par likhi apani patakatha ko hi inhonne upanyaas ka roop diya hai.